O sentimento liberal na Galiza


Baixo este título temos a publicaciom da Real Academia Galega do ano 1977, referida ao primeiro discurso lido por Antón Vilar Ponte o día 24 de julho de 1934, no acto da sua recepciom pública como académico, ocupando o escano de D. Manuel Lago González, doce tudense de meigo sorriso.

Som moitas as cousas que haberia que destacar no discurso, que leva o fio conductor da historia dos galegos, co obxectivo definido de mostrar o sentimento liberal na Galiza. Pero a Vilar Ponte pareceulhe que a melhor forma de comezar sería citar a frase de D. Miguel de Unamuno no seu libro titulado “Por tierras de España y Portugal”, no que expresa que Galiza tem um alma liberal. Ademáis, Vilar Ponte, e despois desta isagoge, atopa em persoajes coma Prisciliano, um espíritu liberal, consustancial á democracia e comum na nossa Terra. O herexe Prisciliano desde o século IV, foi devanceiro da reforma Luterana do s. XVI , coas súas doctrinas sobre a libre interpretaciom de homes e mulheres das Sagradas Escrituras, sendo éstas moi bem aceitadas na nossa Galiza, coa consecuente preocupaciom da igreja do momento.

Vilar Ponte segue o seu periplo pola historia e chega com satisfaciom ao século XV coas revoltas irmandinhas: campesinhos da nossa terra que loitaram pola sua dignificaciom, moitas veces, sendo os primeiros em fazelo no Ocidente de Europa até o esnaquizamento da libre espontaneidade racial, que debemos aos Reis Católicos. Isabel I nunca perdoou que os galegos tomaram partido por Johana a Beltranexa e vengou-se barbaramente deixandoo por escrito o Licenciado Jerónimo Zurita: “ En aquel tiempo comenzó la doma de aquella tierra de Galicia”. As consecuencias: esmagáron-se os seus pulos tradicionais de rebeldía... sementando o terror entre o pobo. A doma tamem chegou á lingua. A lingua era o rexo vehícolo da nossa liberdade racial. Refuxiada na montanha ...pode ser... triunfante co espíritu sarraceno, o heroe epónimo da nova reconquista.

É moito o mal que lhe fixerom á nossa Terra, á nossa lingua e á nossa Galiza. O espíritu liberal do que continua a falar Vilar Ponte, sobrepasa o tempo e o espazo deste pequeno apartado de opiniom e difusiom cultural. Mais para que serve hoxe este discurso?, Para chamar a atenciom aos que agora tenhem nas suas maos a poder de mudar o caos lingüístico no que estamos fundidos. A alarma social que produce a difusiom de noticias referidas a que o uso do galego entre as mozas e mozos é cada vez menor, nom é canalizada cara á análise de que a normativa oficial é um cúmulo de erros fonemáticos e uma muda continua de normas Constantinianas. Tóman-se medidas totalitarias como a persecuciom dos docentes que fam as suas programacions em castelhano, e em vez de ajudalos a que empreguem o galego, fomentam o odio á lingua em ajudar a acrescentar os argumentos de que nom serve para nada.

É posibel que ao cabo dos tempos, cando moitos dos que agora querem mirar adiante sem olhar atrás na historia, é posibel que sigam o caminho do reintegracionismo, tendo em conta que a nossa supervivenza lingüística, sempre estará em Portugal. Logo ja nom haberá remedio, e no caminho ficaram, coma Carbalho Calero, Manuel María, ou Carlos Casares e moitos máis, coma Vilar Ponte, loitador no silenzo coa Academía que cum lamento e cum berro de impotenza remataba o discurso do 24 de julho do ano 1934 decindo ¡ PRISCILIANO ABRE GALIZA! .

Comentarios

Anónimo ha dicho que…
A Unamuno le gustó mucho Espinho (gran localidad turística para tomar Baños de Mar y de Sol)

Entradas populares de este blog

EXPOSICION DOS COLPORTORES