A banda de Música de Ourense vítese de Ouro
Xa son
varios os artigos que teño dedicado á banda de música da nosa
cidade, con motivo das súas actuacións no patio de columnas do
Liceo de Ourense. Pois é esta Sociedade Cultural a que os acolle nos
tempos de frío e chuva; no resto dos días, bótanse ás rúas para
enchelas das emocións e lembranzas que xeneran co seu variado
repertorio. E deste modo, ano tras ano, os mestres e músicos, baixo
a batuta de D. Francisco Pérez, enchen un espazo no corazón dos
ourensanos, que so a través da música dos seus instrumentos, poden
chegar e penetrar neles. Cada concerto é motivo para comentar cunhas
letras, cunhas palabras emotivas, nuns versos ou nun comentario
musical da súa posta en escea. Poren, este 14 de febreiro de 2014
foi un día especial, no que a Banda Municipal recibiu a medalla de
Ouro do Liceo de Ourense, para dar cumplimento ao acordo da Xunta
Directiva, reunida o 30 do Nadal do 2013. No acto non houbo máis que
parabéns para todos os presentes que enchían o Salón Nobre, con
discursos alusivos á historia da Banda Ourensá.
O Presidente do Liceo falou doutros
directores como Ricardo Courtier e tamén da trayectoria da Banda
Municipal até os nosos días. Entre moitas frases dixo que este
sería un dos seus últimos actos públicos como Presidente do Liceo,
e nesa frase curta, penséis na inmensa xenerosidade que supón
dedicarse aos demáis, sen agardar nada a cambio. De seguido e de
xeito improvisado falou o director da Banda de Música, agradecendo o
premio do Liceo, e expresando a colaboración incondicional da
Entidade coa Banda que dirixe. Despois dun discurso breve e cheo de
contido do Sr Alcalde, procedeuse á entrega da citada Medalla de
Ouro e comezou o concerto.
Sete temas de diversos xéneros foron
os elegidos para celebrar esa medalla. Entre eles “Suspiros de
España”do Mestre marteño Antonio Alvarez Alonso e “Los Nardos”
do Mestre Francisco Alonso, sen esquecer os solistas de trompeta e
bombardino que tiñeron moitos aplausos noutras pezas. Case ao remate
do concerto unha mención especial para un amante da música e un
anfitrión de excepción como directivo do Liceo, Juan Fonseca, ao
que o director lle dedicou unha recopilación de cantigas de Nino
Bravo. Logo chegou o final con moitísimos aplausos o que xenerou
unha propina de luxo. O “futuro” himno de Ourense titulado
“Ourense no solpor”de Manolo de Dios (que esperamos xurda do
consenso de todos os grupos que forman o Pleno do Concello de
Ourense), resoou entre os amigos que cantaban a letra. Un broche de
ouro, tamén propio desa medalla merecida. E aínda que non é propio
da miña pequena pluma dar parabéns gratuitos, hoxe é tempo de
disfrutar desa condecoración e deixar para outro día que a Escea e
Gran Marcha de Giuseppe Verdi debera ser máis matizada nas frases,
destacando mellor os picattos. E xa dixen; como ourensán podemos
gabarnos da nosa Banda Municipal, pola súa calidade e xenerosidade.
José Luis
Fernández Díaz
(Membro
do Consello Escolar da Galiza)
Dedico
este artigo a José Carlos Martínez Pedrayo. Presidente do Liceo de
Ourense
Comentarios