A gala do Turismo e gastronomía galega
Non
hai moitas semanas falabamos dos camiños gastronómicos no
Carballiño. E hoxe, con motivo da gala de Turismo e gastronomía,
organizado pola revista HG&T e coa colaboración do Concello e o
Inorde, seguimos a falar da Vila do Arenteiro. Nesta ocasión ,
pasado un lusttro da última gala, pasados varios anos de
avaliacións, chega o tempo dos premios, agasallos e recoñecementos.
Así, no Auditorio multifuncional do Carballiño, o martes 21 de
marzo, tivo lugar o esperado evento, que superou a máis optimista
das previsións. Hai que destacar a gran variedade de productos e
unha organización de excelencia. Do mesmo xeito, os medios de
comunicación de toda a Comunidade Autónoma, deron a coñecer o
evento. Quizáis para outra ocasión non estaría de máis que a gala
estivese chea de música en directo, humor, poesía ou imitacións
que amenicen a entrega de diplomas e recoñecementos.
A
gastronomía tamén forma parte do patrimonio cultural galego. Unha
parte fundamental da idiosincrasia que debe ser valorado e
potenciado. Os caldos galegos son un referente para o turismo, que
tamén recibiu premios importantes e que xunto coas augas quentes,
supón un recurso aínda por explotar e explorar. Carballiño é
terra de bo comer, e con independencia dos galardoados, todos e cada
un dos participantes poden sentirse gañadores, pola calidade que
esixen a cada un dos seus produtos. O Alcalde da vila falou, como bo
anfitrión, agradeceu a todos os asistentes a súa visita e o apostar
polo Carballiño como lugar estratéxico para este evento. Deste modo
rematou a primeira parte. Despois uns viños e moito que compartir
entre profisionais e amigos da terra.
Unha
tarde femosa no inicio da primavera na Vila do Arenteiro. Punto de
encontro e cruce de camiños de arrieiros.
José Luis Fernández Carnicero
Comentarios