O espíritu do Nadal

Acontece cada ano que ante estas festas hai uma transformaciom especial que nos obriga a mostrar valores que temos gardados para festas especiais. Habería que determinar em todo caso, cal é o tempo preciso para que lhe sigamos chamando “valores”, pois nom imagino ser respetuoso, amabel ou tolerante um día ao ano e nada máis, e seguir considerando que temos eses ou outros valores. Pero o tema que me ocupa agora está dirigido ao lugar que queremos dedicarlhe a cada pessoa que nos arrodea, a cada situazom que nom nos afecta directamente ou a cada circunstancia na que puderamos ajudar se tiveramos boa vontade delo. Por iso penso que o ejemplo do nascemento de Jesús nom pode ficar no esquecemento, a pesar de que está envolto numa morea de luces, consumo e agasalhos. Este modelo do que estamos a falar quizáis esté moi emperifolhado com palavras finas, a modo de manto de pureza, pero o que se está decindo no relato bíblico é que Jesús nasceu numa corte. Todos sabemos que alí cheira mal, e que vai frío; ademáis nom é lugar para uma pessoa e ainda menos para uma criatura que vem de nascer. Numa corte de animais nasceu o rico Filho de Deus, e resulta de interés para mim que nom tivese lugar na pousada da Efrata Belem. O topónimo em hebreo significa, “próspero lugar de pam” e ainda que era uma aldeia humilde e nom faltaba sustento, ninguem quixo acolher a uma prenhada María e a José para que lhes nacera o seu filho num lugar digno.

Fica esta situazom, quizais para algúns, moi longe, pero a historia volve a repetir-se ano tras ano. Os mais pobres nom tenhem um lugar onde expresar os seus desejos (porque tamem os tenhem), as familias que sofrem a perda dum ser querido tampouco tenhem lugar no espíritu do Nadal, porque pensam derramar a festa. Os nenos e as nenas de matrimonios rotos, cargados de joguetes até á bandeira, ja esquecerom cando papá e mamá buscabam um recuncho na casa para fazer o belem ou adornar a árbore, e todos os demáis pensamos que com saúde, trabalho e em familia chega dabondo. Por iso quero ser como aquel neno que numa obra de teatro num festival dos que se fam nas escolas, chegado o momento, mudou o guiom. Nom lembro o seu nome, pero vivía a representazom coma se fose real, e sucedeu o que tinha que acontecer. Lembro que el era o que facía de porteiro na pousada, e cando chegabam José e María, fechába-lhes a porta e berraba coma um borrego: NON HAI LUGAR. O certo é que nos ensaios previos todo saía bem pero chegado o día o neno botou-se a chorar nese intre que lhes berraba e que os votaba fora. PASADE, deixo-vos a minha cama, decíalhe com bagoas nos seus olhos. E os nenos ríam, e os pais nom acreditabam o que estaba pasando. Pero, el nom podía entender que nom lhe deram um lugar a Jesús para nascer.

Sempre que penso nesta historia tenho a certeza de que vale a pena loitar polos que sofrem, e ajudar aos que o precisam; pero ainda hai máis. Se o espíritu do Nadal o quixésemos valorar desde uma perspectiva trascendental e espiritual para ás nosas vidas, as demáis actitudes e feitos seriam o resultado dum compromiso pessoal com Deus, cada día máis necesario. É por iso que Jesús pode nascer cada día nas vidas das pessoas e que bom seria que nom o deixaramos fora, traicionando o espíritu do Nadal.