A praia, o sol e a especulaciom

Uma das experiencias máis insólitas é poder observar e disfrutar duma paisagem virgem na Natureza. Onde a mao do home ainda nom chegou. Iso aconteceu hai máis de 15 anos cando celebrábamos as Jornadas de Corcubiom e visitábamos a Costa da Morte. Em Fisterra tinhamos que ir por uma pista a pé, até a praia do Rostro, topando polo caminho hermosas flores e prantas, das que nom acreditaba-mos da sua existencia. Hoje nom podo dicer o mesmo, despois de tantas “Fragadas e PePadas”, porem ainda vale a pena visitar e difrutar das gentes, da fala galega seseante e dos longueirós e os percebes da zona. As praias despois da ruina do petroleiro, négome a chamarlhe polo seu nome prestigioso, ainda se estam a recuperar. Por fortuna, á Galiza todo chega tarde, e salvo raras excepcións, as costas ainda som protegidas por políticas progresistas, grazas ao Conselheiro de Medio Ambiente e desenvolvemento sostible, Pachi Vázquez e ao governo presidido por Tourinho que apoia a sua gestiom.



Desejamos que aconteza o que sucedeu na fotografía que mostramos. Tráta-se duma fotografía da Costa do Sol no ano 1962, nom hai tanto. Em cuarenta e seis anos todo mudou e difícilmente voltará a ser como era. O sol como reclamo, a praia como descanso e a especulaciom como medio lucrativo indigno, fixerom a desfeita que ja conhecemos. De pouco vale votar-nos as maos á cabeza. Moitos dos responsábeis estam presos, e pronto ou tarde sairam da cadea, pero se houbese uma prevenciom nom teríamos que lamentar-nos. Deus nos libre dum “ja foi”.