O recuncho de Carnicero

Entre livros, recortes de jornais, revistas e outros papéis o outro dia topei referencias do labor dalgúns mestres galegos, e em concreto, na provincia de Ourense. Topei tamem, no internet, listados de companheiros que derom a sua vida pola liberdade e a defensa do ensino nom sectario e laico e pola dignificaciom do docente, em tempos moi diferentes aos de hoje. Curiosamente moitas desas reivindicacións seguem a ser as mesmas que as de agora, ainda que os que as defendam tenham varias estrategias contrapostas. Uns ponhem as demandas como escusa para ter máis afiliados e outros dedicam as suas vidas ao servizo dos demáis, defendendo os intereses laboráveis dos docentes ante uma Administraciom moitas veces insensivel e excesivamente burocratizada. Quizáis por éstas e outras causas o profesorado está um pouco farto de promesas e em ocasións metem a todos na mesma “albarda de aproveitados”, ao resultar imposível saber, a priori, quem negocia racionalmente e quem se suma ás negociacións que...

Um día calquera, sem querelo, acontecem cousas que nom esperas e consegues livros que ja som historia. Pero nom tería sentido falar do livro titulado “Paisaxe e Poesía” publicado en 1955 pola editorial Galaxia, se nom hoube-se posibilidade de que quem queira leelo, poida fazelo. Assim podo dicer que na Rede de Bibliotecas de Galiza podemos topalo co Rexistro: 8532. Describilo como uma delicia é pouco. Quizais sexa um deses livros que pouca gente lee ao tratar-se dum conjunto de ensaios, relacionados coa paisaxe galega. Se fose novela tería máis público, porem o seu contido é denso e profundo. O primeiro dos ensaios é de D. Ramón Otero Pedrayo e nel expresa magistralmente a idiosincrasia galega no seu conjunto. Nom esquece ao povo marinheiro e establece relacións coa cosmología, a matemática e coa música. Vale a pena transcribir parte do texto no que define o proceso primaveral na Nosa Terra: “... preludio de ordenación cósmica, preparación do cadro xeométrico; ensaio de co...