Pequenos músicos

Um ano máis, cheos de medos e inquedanzas, as nenas e os nenos de educaciom infantil das escolas galegas encherom as aulas de ilusións e novos retos para um futuro a longo prazo. Todas a mestras e mestres desta especialidade tam pouco valorada, tenhem moito máis que a paciencia e a vocaciom propia que o seu tabalho require. Posúem uma preparaciom continua, ao longo da vida, froito da dedicaciom aos máis pequenos e da entrega pessoal, que demasiadas veces pasamos por alto. Uma mestra de educaciom infantil tem que saber fazer de todo para que os nenos nom aborrezam a escola; cambiar de actividade cada pouco tempo, crear hábitos positivos nos nenos, manter um umbral sonoro na clase que facilite o trabalho no grupo, e sobor de todo jogar, jogar e jogar, posto que a través deste recurso os nenos aprendem case todas as cousas.
Durante algum tempo a educaciom infantil transitou nesta nossa Galiza polos caminhos da improvisaciom, coa carencia dum curriculo que desenvolvese a LOE,(do 2006).que por fim ja está aprobado. Nom quero afondar nos que o votarom atrás uma e outra vez, ja que agora estamos polo pacto da educaciom, ou eso dim, pero nom hai dereito a que se nos acuse uma e outra vez que saímos mal parados nos informes de avaliaciom da OCDE. Sem ánimo a entrar na disquisiciom filosófica da conveniencia de seguir as directrices dum organismo de carácter económico, como é o citado, estamos num marco de ensinar, radicalmente oposto ao que conhecemos do passado. A introducciom do termo de competencias básicas, desde a educaciom infantil, fai que as programacións dos mestres desta especialidades estem a varios anos luz do que estaba legislado. O desenvolvemento das capacidades para por em practica o aprendido, engade um matriz moi importante á hora de avaliar todo o proceso educativo.

Dentro destas competencias está a cultural e artística da que quero fazer algumas consideracións. A importacia que tem a música na formaciom integral dos nenos e das nenas é tam notabel que fai que desperte neles a creatividade e a sensibilidade para apreciar e valorar as manifestacións propias de cada comunidade ou de cada pais. A música está presente em case todas as actividades que os máis pequenos levam adiante: nos jogos, nos gestos, nas representacións teatrais, nas danzas e bailes e na expresiom interior de cada um deles. A través da cantiga infantil os nenos cream, inventam e descubrem as posibilidades de fazer música co seu propio corpo, aprendendo a interiorizar o ritmo co movemento e expresando os temas principais da melodía.

Moito máis podiamos dicer do feito musical nos pequenos músicos que chegam ás aulas, pero se cada mestra e mestre de educaciom infantil estive-se apoiado por um especialista em educaciom musical, da mesma forma que acontece na educaciom primaria, as posibilidades de enriquecer esta competencia básica deixaríam de estar em funciom da formaciom continua dos de mestres de educaciom infantil que como ja dixemos, tenhem que saber de todo. Temos avanzado tanto na educaciom musical nas escolas desde a LOGSE, que calquera pode ver a diferenza co que estudamos nós, pero ainda hai caminho por andar para que os pequenos músicos gozem e vivam a música que tanto sintem e amam.

Comentarios

Entradas populares de este blog

EXPOSICION DOS COLPORTORES