Passamento de Marcos Valcarcel no Natal 2010

Cando soubem do passamento de Marcos Valcarcel, corrim ao piano a componher uma peza musical para él e os seus. Escribina, toqueina e graveina num cd. Pronto a poderam escoitar todos os que queiram, pero é o meu sentir ao perder a um amigo. Cando ainda estaba com nós escribinlhe um artigo que estou seguro que leu. Reproduzoo agora de novo, coa alma chea de dor e soedade.

                                             Marcos Valcarcel, Víctor Campio e Carnicero (27 marzo 2008)
PAM POR PAM

Quero escreber os versos máis alegres nesta hora...., lembrando, sentindo e desexando que o tempo que disfrutamos do “pam por pam” de Marcos Valcarcel, fique perenne nas nossas memorias. E quero lembralo agora porque tenho fame dese pam que nos daba a modo de microrrelato ao que tamem é afeiçoado. Ese pam do que moitos comimos, fíxo-nos medrar no nosso universo cultural, social e afectivo, fazendo que nos achegásemos ao seu autor Marcos, cum chisco da timidez que ele mesmo reflicte. Pero ao contrario doutros afamados e soberbios intelectuais que quero esquecer e nom podo, que me derom a comer pam podre, ou que nos vendem cada pouco uma novidade absurda, dicía, pola contra, este pam de Marcos, indelevel e imarcessível, floresce nas nossas vidas coma um lábaro sagrado amante da nossa lingua. É por iso que quero escreber os versos máis lindos desde esta pequena prosa ateigada de agradecementos e amizade ao caro amigo criador do “pam por pam”.

Ise pam tamém era práctico. Algumas experiencias juntos no Liceo de Ourense, som a proba diso. Compartindo o escenario da sala nobre na apresentaciom do seu livro Craro río, verde val, ou téndoo nas xornadas de Jóvenes Investigadores do 2005 coma espectador, ofrecía a todos os que somos algo máis novos, uma forza e uma seguranza precisa para nos levantar e apoiar. Com poucas palabras e coa súa presenza abondaba para moitos de nós. Por todo iso e por moito máis, tenho fame dese pam que me lembra ao livro de Eclesiastés que dí:” lança o teu pam sobre as águas e depois de muito tempo o acharás”. Neste versinho primeiro do capítulo 11 podo atopar algumas respostas ás preguntas que nom podo respostar. Uma delas está relacionada co valor de invertir a longo prazo, neste caso, onde o fica o pam. A figura de atopar o meu pam fálame da satisfaciom de ver que o trabalho de Marcos nom foi vano e aínda perdura na vida de Ourense, nos seus amigos de verdade e nos seus companheiros de tantas cousas!. E os versos que podam atopar neste texto som de alegría, agora que parece que as bágoas caen sobre molhado e amenaza o injusto esquecemento pois ninguem fala del, e as homenagens passarom. Alegría de compartir, aprender e viver cum académico que alimentou os nossos sonhos neste jornal, e dum amigo dos poucos que coa sua presenza aínda nos quere dar “pam por pam”.

Dedicado a Marcos Valcárcel

PUBLICADO em La Región /maio 2010